Friday, May 8, 2015

කුවේණි නොවෙමි



තඹ පැහැ වැල්ලෙහි වැතිර
සාපිපාසාවෙන් පීඩීතව
ගිලන්වී අවුරැසින් දැවී මිලිනවු
අයෙක් දුටුවෙම් වෙරළත

සයුරු මැද සැඩ සුළං වැද
බිඳුණු නෞකාවක නැවියෙක්
නොදන්නා මුත් වතගොත
සරණ වූයෙම් දයාවෙන්

නසා සුන් කොට ලේ බැඳුම් හැම
මාපියන් නෑසියන් අතහැර
කිරුළු සිහසුන් පුදා සෙනෙහෙන්
මගේ විජිතය ඔහුට දුන්නෙම්

රජ කිරුළු පැළැඳි හිස
ගලක් කල නියාවෙකි ඔබ හද
මා මෙන්ම ඔබ ලෙයද
පළවා හරින්නට වාසලින් අද

මේ මගේ විජිතයයි
හැර නොයමි නොහැර ඉමි
අනෙකෙකුට දී දිනුම
මියෙනු යෙහෙකියි සටන් වැද

සමන්මලී අභයසිරි

No comments:

Post a Comment