ගලින් සැදි දෙවඟන
පෙමට අධිපති
යදින්නී .....
කවුරු නම් දේද මට
හදවතක්
පෙමින් පිරි සොඳුරු තෙත්
පණ ගැහෙන උණුහුම සදන
ලෙයින් හා මසින් සැදි
හදවතක්
ජීවිතය දෙන හදවතක්
තනිව වැළපෙමි හඬමි
යදිමි ජීවිතය
එපා මට මේ ගල් ගැහුණු සීතල
උණු ලේ සිරුර තුල ගලන
ජීවිතය මිස
එයම යදිමින් හඬමි
පණ ගැහෙන හීනයක සැරිසරමි
දෙනු මැනවි මටම හිමි
ජීවිතය
හදවතක් ඇති ජීවිතය
සමන්මලී අභයසිරි
No comments:
Post a Comment