අප යලි හමුවේද
කෙලෙස කොතැනක
ඔබේ හද කැන්වසය මත
නේක රේඛා අතර
සිත්තමක් වී
මා එනු නැතිද ඔබ සොයා
නෙත් අයා ඔබ දෙසම
අප යලි හමුවේද
කෙලෙස කොතැනක
ඔබේ සිත්මල මත පිණි පොදෙහි
දේදුන්න අඳිනා
ළහිරු කිරණක් වී
මා එනු නැතිද ඔබ සොයා
සදමින් සුවැති උණුසුම
අප යලි හමුවේද
කෙලෙස කොතැනක
දැවෙන ඔබ ළය නිවා සනහන
මුතු වන් පෙණ නගන දිය ඉසින
නිමල දිය උල්පතක් වී
මා එනු නැතිද ඔබ සොයා
සිසිල සදනට නිවා දාහය
අප යලි හමුවේද
කෙලෙස කොතැනක
විසිර ගිය දස අත පෙර දිනෙක
එක් එක් මතක මුතු අහුලා
බඳින මුතුහරක් වී
මා එනු නැතිද ඔබ සොයා
සරසන්ට ඔබ ජීවිතය යලි
සමන්මලී අභයසිරි
No comments:
Post a Comment